Soliq siyosati

Tasnif

Ushbu darslikda O‘zbekiston Respublikasi soliq siyosati, soliqlarni unifikatsiya qilish orqali ularning sonini optimallashtirish, soliq solishning soddalashtirilgan tartibi bo‘yicha soliq to‘lovchilarga soliq siyosatini takomillashtirish, soliq hisobotlarini qisqartirish va soddalashtirish, xorijiy investorlar va investitsiyalar uchun qulay rejimi, ularni qo‘llab-quvvatlash va ishonchli huquqiy himoyalash, O‘zbekiston Respublikasi soliqlar va yig‘imlar tizimi, soliq munosabatlarining subyektlarining huquqlari va majburiyatlari, soliq qonunchiligini soddalashtirish va davlat soliq xizmati organlarining asosiy vazifalari, soliq majburiyatini bajarish soliq majburiyatining bajarilishini ta’minlash, soliq nazoratining shakl va mexanizmlarini takomillashtirish, soliq tekshiruvlarining va soliq nazorati boshqa choralarining huquqiy oqibatlarining mazmun va mohiyati o‘z aksini topgan.
Darslik O‘zbekiston Respublikasi Soliq Kodeksi, O‘zbekiston Respublikasining 1997-yil 29-avgustdagi “Davlat soliq xizmati to‘g‘risida”gi qonuni, O‘zbekiston Respublikasining 2022-yil 30-dekabrdagi «2023-yil uchun O‘zbekiston Respublikasining davlat budjeti to‘g‘risida»gi O‘RQ-813-son Qonuni, O‘zbekiston Respublikasi Prezidentining 2018-yil 29-iyundagi “O‘zbekiston Respublikasining soliq siyosatini takomillashtirish konsepsiyasi to‘g‘risida”gi PF-5468-son Farmoni,O‘zbekiston Respublikasi Prezidentining 2020-yil 5-oktyabrdagi «Raqamli O‘zbekiston 2030» strategiyasini tasdiqlash va uni samarali amalga oshirish chora-tadbirlari to‘g‘risidagi PF-6079-son Farmoni, O‘zbekiston Respublikasi Prezidentining 2022-yil 30-dekabrdagi O‘zbekiston Respublikasining «2023-yil uchun O‘zbekiston Respublikasining davlat budjeti to‘g‘risida»gi qonuni ijrosini ta’minlash chora-tadbirlari to‘g‘risida PQ-471-son qarori, O‘zbekiston Respublikasi Prezidentining 2020-yil 30-sentyabrdagi “Soliq maslahati sohasini yanada rivojlantirish chora-tadbirlari to‘g‘risida”gi PQ-4846-son qarori va soliqqa oid qonun hujjatlari asosida yoritilgan bo‘lib, O‘zbekiston Respublikasi Oliy va o‘rta maxsus ta’lim vazirligi tomonidan 60410200-Soliqlar va soliqqa tortish (faoliyat turlari bo‘yicha) bakalavriat ta’lim yo‘nalishida tahsil olayotgan talabalar uchun «Soliq siyosati» fanidan darslik sifatida tayyorlangan.
Mazkur darslik «Soliqlar va soliqqa tortish» ta’lim yo‘nalishi talabalari bilan birgalikda oliy o‘quv yurtlarining iqtisodiy ta’lim yo‘nalishlari bakalavrlari, magistrlari, moliya va soliq mutaxassislari, bank xodimlari, buxgalterlar, auditorlar, professor-o‘qituvchilar, ilmiy tadqiqotchilari hamda shu sohaga qiziquvchi keng kitobxonlar ommasiga mo‘ljallangan.