Germaniyaning innovatsion tajribasi: Olmon ilmiy tashkilotlari

Innovatsion rivojlanish vazirligida Germaniya bilan ilmiy hamkorlikka bag‘ishlangan «Germaniyaning innovatsion tajribasi: Olmon ilmiy tashkilotlari» mavzusida xalqaro konferensiya onlayn tarzda o‘tkazildi. Konferensiyani Innovatsion rivojlanish vaziri o‘rinbosari Olimjon To‘ychiyev va Innovatsion rivojlanish vazirining Yuqori martabali maslahatchisi Karsten Xayns ochib berdilar. Ilmiy-tadqiqot ishlarini tashkil etish, moliyalashtirish, grant tizimining Germaniya tajribasini o‘rganish O‘zbekiston akademik jamoalari uchun muhim ekanligini inobatga olgan holda konferensiyaga oliy ta’lim muassasalari prorektorlari va ilmiy tadqiqot muassasalari rahbarlari va rahbar o‘rinbosarlari taklif etildi.
Konferensiyada Aleksandr fon Gumboltd jamg‘armasi eksperti professor Klaus Manderlar, Olmon ilmiy-tadqiqot jamiyati xodimi professor Yoyern Axterberg va Akademik almashinuv bo‘yicha Germaniya xizmati lektori Simon Krechmer ma’ruzalari bilan qatnashdilar.
Germaniya butun dunyoda ilm-fan o‘chog‘i deb tan olingan. U yerdagi ilm-fanga bo‘lgan hurmat, tolerantlik muhiti va demokratiya yangidan yangi olimlarning yetishishiga xizmat qilmoqda. Bundan tashqari, tadqiqotchilarning ishlashi, yashashi va dam olishi uchun yaratilgan sharoitlar, tenglik va mehmondo‘stlik ilmiy ishlar samaradorligiga ijobiy ta’sir ko‘rsatadi.
Akademik almashinuv bo‘yicha Germaniya xizmati (DAAD – Deutscher Akademischer Austauschdienst) lektori Simon Krechmer xalqaro ilmiy almashinuv iqtidorli insonlar o‘z imkoniyatlaridan to‘laqonli foydalanishlari mumkin bo‘lgan joyda o‘qishlari, dars berishlari va tadqiqotlar olib borishlari lozimligini ta’minlashi haqida o‘z fikrlarini bildirdi.
O‘zbekiston Respublikasi Innovatsion rivojlanish vazirligi hamda Germaniya Ta’lim va tadqiqotlar federal vazirligi (BMBF) hamkorlikdagi e’lon qilingan O‘zbekiston–Germaniya xalqaro ilmiy loyihalar tanlovi 1 noyabrga qadar davom etadi. Ushbu tanlovda ishtirok etish istagida bo‘lgan o‘zbekistonlik va germaniyalik olimlar uchun loyihani amalga oshirish bo‘yicha hamkor topishga ko‘maklashuvchi maxsus sayt yaratildi. Saytga quyidagi havola orqali kirish mumkin: http://uzb-ger.mininnovation.uz/.

2021 yil uchun tayanch doktorantura va doktoranturaga 1800 ta o‘ringa mablag‘ ajratildi

Bugungi kunda respublikada 36 ta vazirlik va idoralar tasarrufidagi 153 ta oliy ta’lim muassasalari va ilmiy tashkilotlarda ilmiy darajali kadrlar tayyorlanmoqda.
Innovatsion rivojlanish vazirligi tomonidan 2021 yil uchun tayanch doktorantura va doktoranturaga qabul kvotalariga buyurtmalarni so‘rab vazirlik va idoralarga murojaat etilganda, yuqoridagi tashkilotlardan 3728 nafar o‘ringa buyurtmalar qabul qilindi. Moliya vazirligi, o‘z navbatida, byudjet imkoniyatlarini hisobga olgan holda 2021 yil uchun jami 1800 ta o‘ringa mablag‘ ajratilishini tasdiqladi. Shundan fan sohasiga tayanch doktoranturaga 365 ta, doktoranturaga 64 ta, ta’lim sohasiga tayanch doktoranturaga 1292 ta, doktoranturaga 79 ta o‘rin ajratildi. Bu jami buyurtma berilgan kvotalarni 48,2 foizini tashkil etadi.
O‘zbekiston Respublikasi Vazirlar Mahkamasiga taqdim etilgan «Ilmiy darajali kadrlarni tayyorlash jarayonlarining shaffofligini ta’minlash va samaradorligini oshirish chora-tadbirlari to‘g‘risida»gi qaror loyihasi 3-ilovasida 304-son qarorga tegishli o‘zgartirishlar kiritilgan bo‘lib, unga ko‘ra qabul kvotalarini oliy ta’lim muassasalari va ilmiy tashkilotlarga qabul kvotalarini Innovatsion rivojlanish vazirligi tegishli vazirlik va idoralar bilan birgalikda taqsimlashi belgilangan. Qaror loyihasi tasdiqlanishi arafasida ekanligidan kelib chiqib, birinchi marotaba qabul kvotalarini taqsimlashda vazirlik va idoralarning mas’ullari, ilmiy darajali kadrlar tayyorlash institutlari mavjud oliy ta’lim muassasalari prorektorlari hamda ilmiy tashkilotlar direktor o‘rinbosarlari bilan ZOOM orqali bog‘lanildi va ularning bugungi kundagi real ehtiyoji o‘rganildi. Suhbat natijalari asosida, ilmiy darajali kadrlar tayyorlovchi muassasa rahbarlarining ilmiy ishlar va innovatsiyalar bo‘yicha rahbar o‘rinbosarlari takliflari asosida taqsimot loyihasi qayta ishlandi.
Ta’kidlash joizki, O‘zbekiston Respublikasi Vazirlar Mahkamasining 2017 yil 22 maydagi 304-son qarori bilan tasdiqlangan «Oliy o‘quv yurtidan keyingi ta’lim to‘g‘risida Nizom»ning 14-bandi 5-xatboshiga muvofiq izlanuvchining to‘lov-kontrakt mablag‘lari hisobidan qo‘shimcha qabul kvotasini shakllantirishi mumkin.

O‘zbekiston yosh olimlari Yaponiyaning Tottori universitetiga ilmiy stajirovkaga yuboriladi

Innovatsion rivojlanish vazirligi tomonidan Yaponiyaning Tottori universitetining takliflariga asosan o‘tkazilgan maqsadli tanlov natijalariga ko‘ra 10 nafar yosh olim g‘olib sifatida tanlab olindi.
Tanlov jarayonining shaffofligi va sifatini ta’minlash maqsadida vazirlik huzuridagi Ekspert guruhi a’zolari, O‘zbekiston Respublikasi Ekologiya va atrof-muhitni muhofaza qilish davlat qo‘mitasi, O‘zbekiston Respublikasi Gidrometeorologiya xizmati markazi va O‘rmon xo‘jaligi davlat qo‘mitasidan qo‘shimcha ekspertlar jalb etildi. Vazirlik va idoralardan tegishli tartibda taqdim etilgan 32 nafar nomzodlar va ular to‘g‘risidagi ma’lumot (hujjat)lar hamda nomzodlarning ilmiy stajirovka taqdimolari himoyasi chuqur tahlil qilindi.
Hozirgi kunda, Vazirlik tomonidan 2020 yilning 30 sentyabriga qadar yosh olimlarni yetakchi xorijiy ilmiy tashkilotlarda (markazlar, universitetlar va boshqalar), shu jumladan ilmiy laboratoriyalarni jihozlash uchun sotib olinadigan yuqori texnologik asbob-uskunalarda ishlash metodikasini o‘zlashtirish uchun qisqa muddatli ilmiy stajirovkalarga yuborish maqsadida tanlov e’lon qilingan.
Tanlovni o‘tkazish bilan bog‘liq tartib va talablar bilan Innovatsion rivojlanish vazirligining rasmiy veb-sahifasi www.mininnovation.uz dan batafsil ma’lumot olishingiz mumkin.
Qo‘shimcha ma’lumotlar olish uchun: Ilmiy stajirovkalarni tashkillashtirish va ilmiy laboratoriya uskunalarini xarid qilish bo‘limi boshlig‘i Sarvarbek Taxirov, telefon: (90) 989 24 05, elektron manzil: S.takhirov@minninovation.uz, bosh mutaxassis Toirjon Kabashev, telefon: (93) 180 69 29, elektron manzil: toir1981@mail.ru, va yetakchi mutaxassis Muxsinbek Jo‘rabekov, telefon: (90) 175 95 25, elektron manzil: m.jurabekov@mininnovation.uz .

50 минг АҚШ долларли мукофот математикларга берилади

16 ноябрь куни Инновацион ривожланиш вазирлигида Ўзбекистон Республикаси Президентининг Муҳаммад Ал-Хоразмий номидаги халқаро мукофоти борасида пресс-брифинг ўтказилди. Унда Вазирлар Маҳкамасининг 2020 йил 30 октябрдаги “Ўзбекистон Республикаси Президентининг Муҳаммад Ал-Хоразмий номидаги халқаро мукофоти билан тақдирлаш тартиби тўғрисидаги низомни тасдиқлаш ҳақида” қарори билан мамлакатимиз ва хорижда фаолият юритаётган математика соҳасидаги олимлар жамоасини кенг таништириш ва жамоатчиликка ушбу мукофот тақдирлаш тартиби ҳақида маълумотлар берилди.

Мукофот билан математика соҳасидаги фундаментал ва амалий илмий изланишлари натижаларига кўра амалиётдаги муайян муаммонинг ечимини таклиф этган олимлар, шу жумладан, чет эл фуқаролари ва фуқаролиги бўлмаган шахслар якка тартибда тақдирланади. Мукофот билан тақдирлаш бир шахсга математика соҳасидаги бир ёки бир нечта ютуқлари учун амалга оширилиши мумкин.

Мукофот 2 йилда бир марта Президент томонидан Фан ва технологиялар бўйича республика кенгашининг (Кенгаш) таклифига кўра қуйидаги 3 йўналиш бўйича берилади:

фундаментал соҳадаги тадқиқот;

ёшлар ўртасидаги тадқиқот;

иқтисодиётнинг реал секторидаги муаммонинг ечимини таъминлаган тадқиқот.

Мукофот 50 минг АҚШ доллари Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Инновация Вазирлигига ажратиладиган маблағлар доирасида тақдим этилади. Мукофотга берилган маблағларни олимлар ёки олимлар жамоаси томонидан сарфланиши назорат қилинмайди.

 

Сингапур билан инновацион соҳада ҳамкорлик

Жорий йилнинг 13 ноябрь куни Ўзбекистон Республикаси Инновацион ривожланиш вазирлиги ҳамда Ўзбекистоннинг Сингапурдаги элчихонаси ўртасида видео-конференц алоқа орқали учрашув бўлиб ўтди. Унда инновацион ривожланиш вазири ўринбосари Азимжон Назаров ва Ўзбекистоннинг Сингапурдаги элчиси Қаҳрамон Шакиров иштирок этди.

А.Назаров учрашув аввалида ҳозирги кунда Инновацион ривожланиш вазирлиги томонидан амалга оширилаётган ишлар бўйича маълумот берди. Ўз ўрнида, Қ.Шакиров Сингапурнинг илм-фан, технология ва инновациялар соҳасидаги ютуқлари, ушбу давлатнинг ҳамкорликда иш юритишнинг ўзига хос хусусиятлари ҳақида гапириб ўтди.

Учрашув давомида Инновацион ривожланиш вазирлиги билан Сингапурнинг тегишли ташкилот ва идоралари билан қатор соҳаларда ҳамкорликни амалга ошириш масалалари кўриб чиқилди. Хусусан, Сингапур Республикаси Савдо ва саноат вазирлиги билан яқин ҳамкорлик ўрнатиш, Сингапурнинг фан, технология ва тадқиқотлар агентлиги (Agency for Sience, Technology and Research (A*STAR)) билан қўшма тадқиқот лойиҳаларини ишлаб чиқиш, инновацион тадқиқотлар ҳамда илмий-техникавий ва истиқболли лойиҳаларни амалиётга жорий этиш масаласи кўтарилди.

Соғлиқни сақлаш тизими бўйича ягона маълумотлар базасига бағишланган вебинар ўтказилди

Ҳозирги Covid-19 пандемияси билан боғлиқ вазият, тиббиёт ходимлари учун сўнгги клиник тадқиқотлар, даволаш учун тавсиялар ва янги илмий ишланмалар билан таъминлаш учун далилларга асосланган тиббиёт базаларига кириш қанчалик муҳимлигини кўрсатади.

Инновацион ривожланиш вазирлиги ташаббуси билан, 12 ноябрь куни Wiley (John Wiley & Sons) компанияси вакиллари иштирокида Cochrane кутубхонасига бағишланган вебинар ўтказилди. Вебинарда тиббий олий таълим муассасалари ва илмий тадқиқот институтлари ёш олимлари ва тадқиқотчилари иштирок этдилар.

Wiley (John Wiley & Sons) компаниясининг минтақавий вакили Сергей Парамонов соғлиқни сақлаш соҳасида далилларга асосланган илмий ишлар аҳамияти ҳақида гапирди.

– Cochrane кутубхонаси соғлиқни сақлаш тизими учун дунёда ягона бўлган маълумотлар базасидир, – деди С. Парамонов. – Ушбу платформа клиник маълумотларни топиш ва қисқа вақтда сўнгги тадқиқотлар натижалари асосида қарорлар қабул қилишга ёрдам беради.

Таъкидлаш жоизки, “Wiley” компанияси ҳамда Инновацион ривожланиш вазирлиги ўртасида эришилган келишув доирасида 2020 йилнинг 15 сентябридан мамлакатимиздаги Олий таълим муассасалари ва илмий-тадқиқот институтларига “Wiley Online Library” электрон ресурсларидан бепул фойдаланиш имконияти яратилди. Илмий-техник ахборот маркази мазкур лойиҳага техник кўмак кўрсатади ва вебинарларни ташкил эташга ёрдамлашади.

Elsevier Clinicalkey платформаси орқали чекловсиз фойдаланиш имконияти яратилди

10 ноябрь куни Инновацион ривожланиш вазирлиги ҳамда Elsevier компанияси вакиллари иштирокида онлайн семинар бўлиб ўтди. Тадбирда Инновацион ривожланиш вазирлиги, Соғлиқни сақлаш вазирлиги масъул ходимлари, Elsevier компанияси вакиллари, ССВ тасарруфидаги олий таълим муассасалари ректор ва проректорлари, илмий-тадқиқот марказлари директорлари ва уларнинг ўринбосарлари ва бошқалар иштирок этди.

Инновацион ривожланиш вазирлиги Elsevier компанияси билан имзолаган шартнома доирасида Соғлиқни сақлаш вазирлиги тасарруфидаги тиббиёт ташкилотларида ClinicalKey платформасидан ташкилот IP адреси орқали чекловсиз фойдаланиш имконияти яратилди. Эндиликда тадқиқотчиларимиз, тиббиёт ходимлари 2021 йилнинг 1 мартигача тиббиёт соҳасидаги жаҳоннинг энг сўнгги тадқиқотлар натижаларидан Elsevier Clinicalkey платформаси орқали чекловсиз фойдаланишлари мумкин.

Семинарда мазкур платформанинг очилиши ҳақида тиббиёт ходимлари ва шу соҳада фаолият юритаётган тадқиқотчиларга маълумот берилди. ClinicalKey платформасидан ташкилот IP адреси орқали қандай фойдаланиш кераклиги бўйича тушунтириш ишлари олиб борилди.

Elsevier Clinicalkey платформаси даволаш ва диагностика стандартларини янгилаш, клиник протоколларни жорий этиш, далилларга асосланган тиббиёт тамойилларини амалиётга кенг жорий этиш, микрохирургия, робот хирургияси, нуклеар тиббиёт, тиббий генетика соҳаларида жаҳон тиббиётининг энг сўнгги ютуқлари тўғрисидаги маълумотларни ўзида жамлаган. Ушбу маълумотлардан эндиликда юртимиздаги тиббиёт соҳаси вакиллари ҳам фойдаланиш имкониятига эга бўлмоқда.

Таъкидлаб ўтиш жоизки, Elsevier компаниясининг ClinicalKey платформаси шифокорлар учун далилларга асосланган тиббий маълумотларни ўзида сақлаган жаҳон миқёсидаги етакчилардан бири ҳисобланади.

O’zbekiston tadqiqotchilari “SPRINGER NATURE” platformasidan qanday foydalanadi?

Hozirgi kunda Innovatsion rivojlanish vazirligi bilan imzolangan shartnomaga muvofiq, O’zbekiston Respublikasining 105 ta ilmiy va ta’lim tashkilotlari “Springer Nature Publishing”ning link.springer.com platformasiga obuna bo’lishdi. Ushbu tashkilotlar xodimlari cheklovlarsiz jurnallarni qidirish va tanlash, dolzarb ilmiy maqolalar va tadqiqot hisobotlarini o’qish va yuklab olish, ro’yxatdan o’tgandan so’ng masofadan turib platformadan foydalanish imkoniyatiga ega. Shunday qilib, 2020 yil 1 yanvardan 31 iyungacha ushbu tashkilotlarning 3266 xususiy foydalanuvchisi masofadan turib foydalanish uchun ro’yxatdan o’tkazildi (2020 yil 31 iyun holatiga).

2020 yil yanvar-iyul oylarida Springer Nature link.springer.com platformasiga O’zbekistondan 4 736 kishi tashrif buyurgan, tashriflar soni – 15 827, ko’rilgan sahifalar soni – 134 470.

Statistik ma’lumotlarga ko’ra, link.springer.com platformasi o’zbekistonlik olimlar orasida mashhurdir. Shunday qilib, 2020 yil yanvar oyida 4077 ta maqola, fevral oyida 11 676 ta, 2020 yil mart oyida 9740 ta, aprel oyida 5660 ta va may oyida 4 067 ta maqola, iyun oyida 13 398 ta maqola yuklangan. Koronavirusning tarqalishi va karantin e’lon qilinishi sababli 2020 yil mart, aprel va may oylarida yuklab olishlar sonining biroz pasayishi. Shuni ham ta’kidlash joizki, 2020 yil iyun oyida yuklab olishlar soni sezilarli darajada oshdi. Buni foydalanuvchilar uchun ilmiy-texnik axborot markazi va O’zbekiston Respublikasi Innovatsion rivojlanish vazirligi tomonidan tashkil etiladigan veb-seminarlarning ko’payishi bilan izohlash mumkin.

O’zbekiston olimlari, tadqiqotchilari va talabalari o’rtasida zamonaviy ilmiy-tadqiqot va o’quv adabiyotlariga talab tobora ortib bormoqda. Ayni paytda o’zbek tashkilotlari va olimlaridan turli sohalarga oid kitoblarni yuklab olish to’g’risida onlayn-so’rovlar soni ko’paymoqda.

2020 yil yanvar-iyun oylarida link.springer.com platformasida jurnallarda chop etilgan maqolalar soni bo’yicha O’zbekistonda eng ko’p nashr etilgan ilmiy yo’nalishlar quyidagilar: Fizika – 28%, Muhandislik – 19%, Farmatsevtika – 15%, Matematika – 15% va Kimyo – 8%, boshqa fanlar – 15%.

Qo’shimcha ma’lumot uchun:

Alexandrova Irina Alekseevna

Springer tabiat vakili

Markaziy Osiyo mamlakatlarida

Mob. + 7 7017431444

irina.alexandrova@springernature.com

O’zbekiston va Hindiston o’rtasidagi innovatsiyalar sohasidagi hamkorlik istiqbollari muhokama qilindi

O’zbekistonning Hindistondagi elchisi Dilshod Axatov Hindistonning Routern.com kompaniyasi rahbari Chandrakant Sharma bilan uchrashdi.

Tadbirda O’zbekistonning turli sohalarida innovatsion echimlarni faol tatbiq etish, ushbu yo’nalishda qo’shma loyihalarni amalga oshirish va startap ekotizimini qo’llab-quvvatlash bo’yicha olib borilayotgan izchil ishlar haqida so’z yuritildi. Tomonlar, shuningdek, yaqin kelajakda rejalashtirilgan qo’shma loyihalarni tahlil qildilar va hamkorlikning ustuvor yo’nalishlarini belgilab oldilar.

Charlz Sharma dunyoda koronavirus pandemiyasi sababli mavjud vaziyatda raqamli echimlar, bilim va zamonaviy axborot texnologiyalariga bo’lgan ehtiyoj dinamik ravishda o’sib borayotganini ta’kidladi. Shu munosabat bilan tomonlar onlayn savdo maydonchalari orqali sayyohlik, masofaviy o’qitish, tadbirkorlar, shu jumladan, O’zbekiston hunarmandlari tomonidan ishlab chiqarilayotgan mahsulotlarni keng targ’ib qilish kabi masalalar bo’yicha fikr almashdilar.

Ta’kidlash joizki, Routern.com vakillari 2018-2019 yillarda O’zbekistonda bo’lib, mamlakatimizning tegishli vazirlik va idoralari bilan muzokaralar olib borishdi. 2019 yil oktyabr oyida Chandrakant Sharma Hindistonda O’zbekiston Innovatsion rivojlanish vazirligining faxriy elchisi etib tayinlandi.

O’qituvchiga hurmat

1-oktyabr kuni O’qituvchilar va murabbiylar kuni munosabati bilan Toshkent shahar hokimligi, Toshkent shahar prokuraturasi va O’zbekiston Respublikasi Innovatsion rivojlanish vazirligi, shuningdek, O’zbekiston yoshlar ittifoqi Toshkent shahar Kengashi tomonidan “O’qituvchilarga hurmat” aksiyasi tashkil etildi.

Innovatsion rivojlanish vazirining o’rinbosari Olimjon To’ychiev tadbirda so’zga chiqib, o’qituvchilarni tabrikladi. U har bir davlatning burchi, uning jamiyat oldidagi mas’uliyati yosh avlod tarbiyasiga bag’ishlangan o’qituvchilarning ko’magi ekanligini ta’kidladi.

Hozirgi kunda Toshkent shahridagi 317 ta umumta’lim maktablarida 23354 ta o’qituvchilar, 575 ta o’rta maxsus kasb-hunar ta’limi muassasalarida 8754 ta o’qituvchilar, 44 ta oliy o’quv yurtlarida (11 ta Toshkentdagi xorijiy universitetlarning 10 ta filiali) ish olib bormoqdalar. Ular 1 000 000 dan ortiq o’quvchilar va talabalarga dars berishadi.

Tadbir davomida 40 dan ortiq fidoyi, tashabbuskor o’qituvchilar taqdirlandi.