Shavkat Mirziyoyevning 19-iyuldagi farmoni bilan Prezidentning ayrim hujjatlariga oʻzgartirishlar kiritildi. Bu haqda “Huquqiy axborot” Telegram kanalida xabar berildi.
Farmon bilan kiritilgan oʻzgartirishlarga koʻra, Toshkent shahridagi Turin politexnika universitetida talabalarni Turin politexnika universiteti (Italiya Respublikasi) oʻquv reja va dasturlari bilan bir qatorda boshqa ilgʻor xorijiy oliy taʼlim tashkilotlarining ham oʻquv reja va dasturlari asosida oʻqitish tizimi joriy qilinadi.
Shuningdek, oliy taʼlim tashkilotlarining bakalavriat taʼlim yoʻnalishlariga oʻqishga qabul qilish jarayonlari “avval test, soʻng tanlov” tamoyiliga muvofiqlashtiriladi.
