Oʻzbekistonda faoliyat yuritayotgan yuridik shaxslar soni kundan kunga oshib bormoqda. Bu haqda “Fiskal tahlillar” portali xabar berdi.
Qayd etilishicha, 2024-yil 1-oktyabr holatiga faoliyat koʻrsatayotgan yuridik shaxslar soni 551 ming 154 nafarga yetgan.
Taʼkidlash joizki, ushbu raqamlar 2024-yilning dastlabki 9 oyida 65 ming 370 taga koʻpaygan.
Yuridik shaxslar faoliyat turlari boʻyicha savdo eng yuqori koʻrsatgichga ega boʻlib, yuridik shaxslarning soni ushbu sektorda 144,1 mingtani tashkil etadi.
TOP-5 sohalar quyidagilar:
1) savdo – 144,1 mingta
2) qishloq, oʻrmon va baliq xoʻjaligi – 125 mingta
3) sanoat – 64,7 mingta
4) qurilish – 31,1 mingta
5) yashash va ovqatlanish boʻyicha xizmatlar – 27,9 mingta.
